ఓటీటీలో దూసుకుపోతోన్న ‘పగ పగ పగ’

కొన్ని సినిమాలు థియేటర్లో బాగా ఆడితే.. మరి కొన్ని చిత్రాలకు ఓటీటీలోకి వచ్చిన తరువాత ఎక్కువగా గుర్తింపు వస్తుంటుంది. తాజాగా ‘పగ పగ పగ’ అనే మూవీ ఓటీటీలో దూసుకుపోతోంది. అభిలాష్ సుంకర హీరోగా పరిచయం చేస్తూ ఈ మూవీని సత్యనారాయణ సుంకర నిర్మించారు. 'పగ పగ పగ' మూవీలో నెగిటివ్ రోల్‌లో ప్రముఖ సంగీత దర్శకుడు కోటి నటించారు. ఈ మూవీకి రవిశ్రీ దుర్గా ప్రసాద్ దర్శకత్వం వహించారు. ఈ చిత్రంలో అభిలాష్‌కు జంటగా దీపికా ఆరాధ్య హీరోయిన్‌గా నటించారు. వీరితో పాటు బెనర్జీ కీలక పాత్ర పోషించారు. 2022 సెప్టెంబర్ 22న ప్రేక్షకుల ముందుకు వచ్చిన ఈ మూవీ దాదాపు మూడేళ్ల తర్వాత ప్రముఖ ఓటీటీ ‘ఆహా’లోకి వచ్చింది.   
ఇద్దరు ప్రాణ స్నేహితులు, ఇచ్చిన మాటను తప్పడం, నమ్మక ద్రోహం, ఓ ప్రేమ కథ ఇలా అన్ని రకాల అంశాల చుట్టూ తిరిగే ఈ కథని ఇప్పుడు ఓటీటీ ఆడియెన్స్ ఎక్కువగా ఇష్టపడుతున్నారు. ఆహాలో ఈ చిత్రం ప్రస్తుతం దూసుకుపోతోంది. ఆహాలో ఈ మూవీ టాప్‌లో ట్రెండ్ అవుతోంది. ఇద్దరు ప్రాణ స్నేహితులుగా కోటి, బెనర్జీ నటించడం.. వారి పిల్లలుగా అభిలాష్, సిరి ప్రేమ కథ.. చేసిన మోసానికి ఎలాంటి గుణపాఠం చెప్పారు? అనే పాయింట్‌తో తెరకెక్కించిన ఈ మూవీ అందరినీ ఆకట్టుకుంటోంది.
ప్రస్తుతం ‘పగ పగ పగ’ మూవీ ఆహాలో అందరికీ అందుబాటులో ఉంది. ఈ రివేంజ్, యాక్షన్, లవ్ డ్రామాని అందరూ చూసి ఎంజాయ్ చేయండి.